Heimild: Vísir
Þeir Kjartan Henry Finnbogason, framherji KR og Brynjar Hlöðversson, varnarmaður Leiknis, háðu mikla baráttu í leik liðanna í gærkvöldi.
Þeir mættust í ófáum návígum og rifu upp brögðin í bókinni þegar þeir reyndu að ná yfirhöndinni í baráttunni.
Lestu um leikinn: Leiknir R. 0 - 2 KR
Þeir mættust í ófáum návígum og rifu upp brögðin í bókinni þegar þeir reyndu að ná yfirhöndinni í baráttunni.
Lestu um leikinn: Leiknir R. 0 - 2 KR
Kjartan skoraði mark í leiknum og fékk að líta gula spjaldið, þó ekki fyrir brot á Binna. Binni sjálfur fékk ekki spjald þó Kjartan hafi átt erfitt með að trúa því.
Binni var spurður út í þessa baráttu í viðtali við Fótbolta.net eftir leikinn í gær.
„Það er gaman að mæta góðum framherjum og þeir eru flottir. Kjartan kann að láta finna fyrir sér og hefur gaman af því að fá alvöru mótherja á móti sér. Við skemmtum okkur vel saman á móti hvorum öðrum," sagði Binni.
Kjartan Henry var einnig spurður út í þessa baráttu í viðtali við Smára Jökul Jónsson á Stöð 2 Sport eftir leikinn. „Ég vil það og svona á fótbolti að vera. Hann (Binni) er ótrúlega klókur og það er nánast með ólíkindum að hann slapp við að fá spjald í þessum leik. Það skiptir engu máli því við unnum. Við tókumst í hendur eftir leikinn og það var mjög gaman að spila á móti honum sem og öllu Leiknisliðinu," sagði Kjartan.
Umræðu í Stúkunni má sjá hér að neðan sem og viðtölin við bæði Kjartan og Binna.
Athugasemdir