Hæstánægður eftir leik.
Þarna er sönnunin, 3-0.
Eftir leik Íslands og Þýskalands á föstudagskvöld sat lansliðsþjálfarinn Þorsteinn Halldórsson fyrir svörum á fréttamannafundi.
Ísland vann, eins og allir vita, sögulegan 3-0 sigur og tryggði sér sæti á EM næsta sumar. Með sigri gegn Póllandi á morgun á liðið möguleika á því að vinna riðilinn í undankeppninni og stilla sér vel upp þegar dregið verður í riðlana á EM.
Steini var spurður hvort hann muni horfa í báðar tölurnar, 3 og 0, þegar hann horfir til baka á sigurinn frábæra.
Ísland vann, eins og allir vita, sögulegan 3-0 sigur og tryggði sér sæti á EM næsta sumar. Með sigri gegn Póllandi á morgun á liðið möguleika á því að vinna riðilinn í undankeppninni og stilla sér vel upp þegar dregið verður í riðlana á EM.
Steini var spurður hvort hann muni horfa í báðar tölurnar, 3 og 0, þegar hann horfir til baka á sigurinn frábæra.
Lestu um leikinn: Ísland 3 - 0 Þýskaland
„Ég held það sé alveg pottþétt. Það er gott að skora þrjú mörk á móti Þýskalandi, en það er líka frábært að fá ekki á sig mark á móti þeim. Við sýndum ákveðin gæði og ég er stoltur af stelpunum," sagði þjálfarinn.
Hann var svo spurður út í þróunina frá fyrri leik liðanna í undankeppninni sem Þýskaland vann á sínum heimavelli. Sá leikur var nokkuð jafn og eru einhverjir á þeirri skoðun að úrslitin hefðu verið önnur ef Sveindís Jane Jónsdóttir hefði ekki meiðst í leiknum.
„Þróunin hefur hægt og rólega verið að koma. Leikurinn úti í Þýskalandi var fínn fyrsta hálftímann. Við gerðum góða hluti og vorm að valda þeim vandræðum. Síðan náðu þær að herja á okkur og við lentum í smá basli. Við þurfum bara að halda áfram að hafa trú á því sem við erum að gera. Númer eitt, tvö og þrjú er að við séum gott lið inni á vellinum sem erfitt er að spila á móti. Við þurfum að hafa hugrekki, hafa trú á því sem við erum að gera og njóta þess," sagði Steini.
Ísland mætir Póllandi á útivelli á morgun.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
