Emiliano Martínez er búinn að staðfesta brottför sína frá Arsenal. Það gerði hann í Instagram færslu nú í kvöld. Hann birtir gamla mynd af sér fyrir leik og skrifar við hana:
„Þakka þér fyrir Arsenal." Færslunni fylgir myndband þar sem m.a. segir að hann hafi alltaf haft þá tilfinningu að hann myndi fá tækifærið hjá Arsenal og að hann elski félagið. Myndbandið má sjá neðst í fréttinni.
„Þakka þér fyrir Arsenal." Færslunni fylgir myndband þar sem m.a. segir að hann hafi alltaf haft þá tilfinningu að hann myndi fá tækifærið hjá Arsenal og að hann elski félagið. Myndbandið má sjá neðst í fréttinni.
Mikið hefur verið rætt og ritað um það að Rúnar Alex Rúnarsson, landsliðsmarkvörður og markvörður Dijon í Frakklandi, geti verið á leiðinni til Arsenal í stað Martinez.
Martínez er á leiðinni til Aston Villa þar sem hann mun berjast um markvarðarstöðuna við Tom Heaton þegar sá enski snýr til baka eftir meiðsli. Martínez er talinn kosta Aston Villa um 20 milljónir punda.
Í gær sagði 433.is að Rúnar Alex myndi fara í læknisskoðun hjá Arsenal (í gær) og skrifa undir fimm ára samning við félagið.
Athugasemdir