Vallarstarfsmenn í þrígang inn á völlinn í miðjum leik

Völlurinn hefur verið í frekar slæmu ástandi í haustleikjunum og virðist sem lagning á vökvunarkerfi í sumar sé að valda usla.

Fjöldi sérfræðinga vinnur í að finna lausn á því vandamáli hvernig torfur rifna upp í kringum svæðið sem vökvunarkerfið er.

Í leiknum í gær fór ein slík torfa upp úr grasinu og Kristinn V. Jóhannsson vallarstjóri tók tvisvar sprettinn inn á völlinn og lagaði á meðan boltinn var hinum megin á vellinum.

Hann var þó ekki sá eini sem þurfti að taka slíkan sprett inn á völlinn í miðjum leik því eitt skiptið fór aukabolti inn á völlinn. Boltastrákur tók þá sprettinn og náði í hann eins og sjá má á meðfylgjandi myndum.