Írland U21 1 - 2 Ísland U21
0-1 Sveinn Aron Guðjohnsen ('25)
1-1 Ari Leifsson, sjálfsmark ('75)
1-2 Valdimar Þór Ingimundarson ('93)
0-1 Sveinn Aron Guðjohnsen ('25)
1-1 Ari Leifsson, sjálfsmark ('75)
1-2 Valdimar Þór Ingimundarson ('93)
Íslenska karlalandsliðið skipað leikmönnum fæddum 1998 og síðar heimsótti Írland í mikilvægum toppbaráttuslag í undankeppni fyrir EM U21 landsliða á næsta ári. EM draumurinn lifir.
Írar voru með yfirhöndina en náðu ekki að skapa sér mikið og gerði Sveinn Aron Guðjohnsen eina mark fyrri hálfleiksins. Hann slapp í gegn eftir laglega sendingu frá Jóni Degi Þorsteinssyni og kláraði færið sitt meistaralega.
Írar voru áfram betri aðilinn á vellinum en náðu ekki að skapa sér mikið af hættulegum færum. Þegar tók að líða á seinni hálfleikinn náðu Strákarnir okkar góðum tökum á leiknum og voru óheppnir að fá jöfnunarmark í andlitið á 75. mínútu. Ari Leifsson fékk þá skot frá Joshua Kayode í sig, knötturinn breytti um stefnu og endaði í netinu.
Ísland blés til sóknar á lokakaflanum enda ekkert sem kom til greina í dag annað en sigur. Allt ætlaði að sjóða uppúr á síðustu mínútum leiksins og fékk Nathan Collins rautt spjald í liði heimamanna. Jón Dagur og Valdimar Þór Ingimundarson áttu tilraunir en inn vildi boltinn ekki fyrr en alveg í lokin, þegar Valdimar Þór skoraði eftir góða sendingu frá Alfons Sampsted.
Ísland er því með 18 stig eftir 9 umferðir og þarf að treysta á að Svíar sigri ekki Ítali til að tryggja sér 2. sæti riðilsins. Írar eru með 16 stig.
Það getur tekið tíma fyrir stöðutöfluna að uppfærast.
Sjá textalýsingu
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir