Ítalía: Annað jafntefli Inter í röð

Inter endurheimti toppsæti efstu deildar á Ítalíu í kvöld með 1-1 jafntefli í Flórens.

Inter var í öðru sæti fyrir upphafsflautið, einu stigi eftir Juventus og með leik til góða.

Borja Valero kom gestunum yfir snemma leiks og héldu þeir forystunni allt þar til í lokin í furðulega jöfnum leik.

Það var í uppbótartíma sem Dusan Vlahovic skoraði frábært mark. Hann slapp framhjá vörn Inter og kláraði afbragðsvel úr erfiðu færi gegn Samir Handanovic, besta markverði deildarinnar undanfarin ár.

Inter jafnaði þar með Juve á stigum og endurheimti toppsætið á markatölu. Fiorentina hefur farið skelfilega af stað og er aðeins með 17 stig eftir 16 umferðir.

Stöðutöfluna er hægt að sjá hér fyrir neðan. Það gæti tekið hana tíma að uppfærast.