Æfingaleikur: Ægir rankaði við sér eftir erfiða byrjun

Æfingaleikur Kára og Ægis fór fram síðastliðið föstudagskvöld og þar voru það Þorlákshafnarbúar sem fóru með sigur af hólmi.

Káramenn byrjuðu leikinn gríðarlega vel og voru komnir í 2-0 eftir um 12 mínútur, en við það rönkuðu Ægismenn við sér og tóku yfir leikinn. Staðan var 2-3 í hálfleik fyrir Ægi.

Í seinni hálfleik héldu Ægismenn áfram að vera sterkari aðilinn og bættu við tveimur góðum mörkum, lokatölur 2-5.

Ragnar Leósson, Aron Ingi Kristinsson og Ingimar Elí voru á meðal leikmanna Kára í leiknum; taka þeir slaginn með liðinu í sumar?

Kári leikur í 3. deild á næstu leiktíð en Ægir spilar í 2. deild eftir að hafa komist upp síðasta sumar.