West Ham United hefur áhuga á að fá Ross Barkley lánaðan frá Chelsea út tímabilið. David Moyes hefur miklar mætur á honum eftir að hafa starfað saman hjá Everton.
Frank Lampard, stjóri Chelsea, er þó búinn að útiloka þessa hugmynd Hamranna. Hann segir Barkley ekki vera á förum í janúar enda sé hann mikilvægur liðsmaður.
„Ross Barkley fer ekki neitt. Hann er okkar leikmaður og er búinn að standa sig vel í síðustu leikjum," sagði Lampard.
„Ross hefur ekki fengið mikinn spiltíma á tímabilinu vegna sérstakra aðstæðna en ég hef mikla trú á honum og er mjög ánægður með hann."
Athugasemdir