Championship: Trafford varði tvær vítaspyrnur í toppslag

Það var svakaleg dramatík þegar Burnley fékk Sunderland í heimsókn í Championship deildinni í kvöld.

Burnley var með yfirhöndina í fyrri hálfleik en dæmið snérist við í seinni hálfleik.

Sunderland fékk tvö gullin tækifæri til að komast yfir en þegar skammt var til loka venjulegs leiktíma fékk liðið vítaspyrnu. James Trafford, markvörður Burnley, gerði sér lítið fyrir og varði spyrnuna frá Wilson Isidor.

Þegar sjö mínútur voru komnar fram yfir venjulegan leiktíma fékk Sunderland aðra vítaspyrnu. Aftur steig Isidor á punktinn en aftur hafði Trafford betur.

Burnley er með 53 stig, jafn mörg stig og topplið Leeds sem á leik til góða en Sunderland er í 4. sæti með 51 stig.