Vill spila á Íslandi á komandi tímabili
Sóknarmaðurinn Patrick N'Koyi hefur áhuga á því að spila á Íslandi á komandi keppnistímabili.
N'Koyi lék með Grindavík í Pepsi Max-deildinni síðasta sumar. Hann lék átta leiki í deild og skoraði eitt mark, en hann yfirgaf félagið í janúarglugganum.
N'Koyi er þrítugur sóknarmaður sem ólst upp í Hollandi. Hann lék meðal annars með FC Eindhoven og Fortuna Sittard í Hollandi og einnig hefur hann leikið Rúmeníu, Skotlandi og Tælandi. Hann var síðast á mála hjá KSK Hasselt í Belgíu.
Hann vill leika á Íslandi næsta sumar, hann telur sig geta gert betur en síðasta sumar.
„Það býr miklu meira í mér en það sem þið hafið séð. Ég tel mig hafa eitthvað að sanna hérna," segir N'Koyi.
Athugasemdir