Ítalía: Emil og félagar með fimm stiga forystu

Hinn 36 ára gamli Emil Hallfreðsson spilaði fyrstu 86 mínúturnar er Padova lagði botnlið Arezzo að velli í ítölsku C-deildinni.

Padova tók forystuna snemma leiks og leiddi í leikhlé. Leikurinn var þó opinn allt þar til undir lokin þegar Chirico tvöfaldaði forystu heimamanna.

Emil og félagar eru á fleygiferð í ítalska boltanum og sitja á toppi deildarinnar með fimm stiga forystu á Sudtirol. Þetta var fimmti sigur Padova í röð.