mán 17. maí 2021 21:21
Guðmundur Aðalsteinn Ásgeirsson
Hannes svaraði frábærlega - Bjargaði sigrinum
Mynd: Fótbolti.net - Hafliði Breiðfjörð
Landsliðsmarkvörðurinn Hannes Þór Halldórsson svaraði frábærlega eftir að hafa gert slæm mistök snemma leiks gegn KR í Pepsi Max-deildinni í kvöld.

Valur vann 3-2 sigur á erkifjendunum sínum í KR en hægt er að lesa nánar um leikinn með því að smella hérna.

Hannes gerði slæm mistök snemma leiks en hann var gríðarlega öflugur í seinni hálfleiknum.

Hann var traustur í seinni hálfleiknum og bjargaði sigrinum með frábærri markvörslu undir lokin.

„Kiddi smellir boltanum fyrir, Flóki vinnur skallann á fjær og kemur honum aftur fyrir, boltinn dettur á Óskar sem setur boltann með hægri niður í hornið og Hannes með sturlaða vörslu!" skrifaði Baldvin Már Borgvarsson en þetta var síðasta snerting leiksins.

„Þetta er markvarsla sem vinnur leiki," sagði Jón Þór Hauksson í Stúkunni á Stöð 2 Sport.


Athugasemdir
banner
banner
banner