Lið og leikmaður 7. umferðar - Skorar ruglað mark og heldur hreinu
Baldvin Þór Berndsen er leikmaður umferðarinnar.
Mynd: Fótbolti.net - Hafliði Breiðfjörð
Halldór Snær Georgsson ver mark úrvalsliðsins.
Mynd: Fótbolti.net - Hafliði Breiðfjörð
Dominik Radic og Joao Ananias eru báðir í úrvalsliðinu.
Mynd: Fótbolti.net - Hafliði Breiðfjörð
Einar Karl Ingvarsson var maður leiksins í Breiðholti.
Mynd: Fótbolti.net - Haukur Gunnarsson
Baldvin Þór Berndsen er leikmaður umferðarinnar.
Mynd: Fótbolti.net - Hafliði Breiðfjörð
Það eru markvörðurinn Halldór Snær Georgsson, varnarmaðurinn Júlíus Mar Júlíusson og svo maðurinn sem leikur við hans hlið í hjarta varnarinnar.
Leikmaður umferðarinnar:
Baldvin Þór Berndsen - Fjölnir
„Á þetta alveg skuldlaust skilið að mínu mati. Skorar þetta ruglaða mark sem skilur liðin að og heldur hreinu. Ekki nóg með það heldur var hann bara gífurlega góður í dag með Júlíus í hjartanu. Fáranlega góð byrjun á mótinu fyrir Baldvin og Fjölnisliðið," skrifaði Sölvi Haraldsson fréttamaður Fótbolta.net þegar hann valdi miðvörðinn tvítuga mann leiksins.
Sigurmarkið gegn Þór! Baldvin Berndsen með ?? pic.twitter.com/PiZUMuZdRq
— Fjölnir FC (@Fjolnir_FC) June 16, 2024
Njarðvíkingar unnu 3-0 gegn ÍR og eru í öðru sæti. Gunnar Heiðar Þorvaldsson er að gera glæsilega hluti og er þjálfari umferðarinnar í þriðja sinn. Dominik Radic skoraði tvívegis og var maður leiksins. Þá er brasilíski miðjumaðurinn Joao Ananias einnig í liði umferðarinnar.
Hrannar Snær Magnússon var valinn maður leiksins þegar Afturelding vann sinn þriðja leik í röð, liðið vann 2-1 útisigur gegn Þrótti. Aron Jóhannsson er í liði umferðarinnar í annað sinn í röð.
Jón Ingason og Vicente Valor skoruðu báðir fyrir ÍBV sem vann 3-0 útisigur gegn Gróttu. Loksins kom sigur hjá Eyjamönnum eftir fjóra jafnteflisleiki í röð.
Þröstur Mikael Jónasson var maður leiksins þegar Dalvík/Reynir gerði markalaust jafntefli gegn Keflavík og Grindavík vann mikilvægan 3-2 útisigur gegn Leikni sem er á botninum. Þar var Einar Karl Ingvarsson maður leiksins. Þetta var fyrsti leikur Grindvíkinga undir stjórn Haraldar Árna Hróðmarssonar.
Fyrri úrvalslið:
6. umferð - Máni Austmann Hilmarsson (Fjölnir)
5. umferð - Oumar Diouck (Njarðvík)
4. umferð - Arnar Daníel Aðalsteinsson (Grótta)
3. umferð - Sami Kamel (Keflavík)
2. umferð - Oliver Heiðarsson (ÍBV)
1. umferð - Vilhelm Þráinn Sigurjónsson (ÍR)
Halldór Snær Georgsson ver mark úrvalsliðsins.
Mynd: Fótbolti.net - Hafliði Breiðfjörð
Dominik Radic og Joao Ananias eru báðir í úrvalsliðinu.
Mynd: Fótbolti.net - Hafliði Breiðfjörð
Einar Karl Ingvarsson var maður leiksins í Breiðholti.
Mynd: Fótbolti.net - Haukur Gunnarsson
