Höddi: Menn eru eitthvað klikkaðir ef þeir halda þetta sé hreinsun

Þannig að þú hefðir ekki brotið svona ef þú hefðir vitað af stöðunni?

Nei. Ég. því miður, átti að vita betur. En svona er þetta, ég braut fagmannlega til að stoppa sókn en því miður þá endaði þetta svona og ég vissi ekki af því."

Það voru einhverjar efasemdaraddir um þessa stoðsendingu hjá þér að þetta væri mögulega hreinsun .

„Menn eru eitthvað klikkaðir ef þeir halda þetta sé hreinsun. Hákon var þetta hreinsun eða?" spurði Höddi markvörðinn Hákon Rafn.

„Nei," svaraði markvörðurinn sem stóð við hlið hans. „Við erum búnir að tala um þetta lengi."

Höddi segir að hann hafi verið búinn að æfa þessa sendingu.

„Nei, þetta var aldrei hreinsun. Ég sá Orra einan og ég vissi að hann var snöggur þannig að ég gat alltaf sent langan bolta á hann."

Komu Búlgararnir þér á óvart?

„Þeir eru góðir. Þetta er hávaxið lið og geta spilað góða bolta. En maður vissi að ef maður myndi ná einu, tvö mörkum á þá myndi allt hrynja hjá þeim. Þeir eru ekkert í besta forminu núna en þetta er þétt lið og erfitt að brjóta niður. En þegar við náum að brjóta þá, þá er þetta létt."

Hvað tekur við hjá þér, bara Grikkland á morgun?

„Nei, ég fékk leyfi að fara með heim og ætla að æfa með liðinu, halda áfram að styðja við bakið á strákunum og kveðja skipparann almennilega," sagði Höddi og á þá við Aron Einar Gunnarsson sem er á leið í sinn síðasta landsleik.

Hörður kom óvænt inn á snemma leiks vegna meiðsla Stefáns Teits. Er erfitt að koma inn á svona snemma leiks?

„Ég náttúrulega hitaði ekki neitt upp, var bara kallaður strax og setti á mig legghlífar."

„.Jú, þetta er náttúrulega erfitt að koma inn sem varnarmaður í svona leik. Þú náttúrulega þarft að fá rytmann og ná að hita upp og allt þetta. En maður þarf bara að vera snöggur í gang og passa sig á fyrstu mínútum að maður slíti ekki neitt. Maður er kominn á aldur, yfir þrítugt, þannig maður þarf að passa sig," sagði Höddi að lokum.