Carlo Ancelotti var kátur eftir 2-0 sigur Napoli gegn Liverpool fyrr í kvöld. Þetta var í fjórða sinn sem Ancelotti leggur ríkjandi meistara keppninnar að velli, með fjórða mismunandi félaginu.
„Það er alltaf erfitt að spila gegn Liverpool og þetta var mjög jafnt í kvöld. Þetta hafðist þó sem betur fer í lokin og við erum hæstánægðir með dýrmæt stig," sagði Ancelotti að leikslokum.
„Ég er sérstaklega ánægður með sjálfstraustið sem leikmenn sýndu. Di Lorenzo og Alex Meret voru að spila sínn fyrsta leik í Meistaradeildinni og stóðu sig með prýði."
Ancelotti var að lokum spurður út í hvað hann sagði við Jürgen Klopp er þjálfararnir kvöddust hlæjandi að leikslokum.
„Ég sagði honum að hafa ekki áhyggjur. Ef hann tapar hér þá mun hann vinna keppnina, alveg eins og í fyrra. Ég sagði honum að slaka á og taka því rólega."
Vittoria fantastica. Orgoglioso dei miei giocatori e orgoglioso del San Paolo. Grazie a tutti per questa notte meravigliosa... Forza Napoli! #UCL #ForzaNapoliSempre
— Carlo Ancelotti (@MrAncelotti) September 17, 2019
Fantastic victory. Proud of my players and proud of our fans. Thank you everyone for your support. Forza Napoli! pic.twitter.com/2ejE9Fe21w
Athugasemdir