Steven Gerrard.
Steven Gerrard, goðsögn hjá Liverpool, hrósaði Ungverjanum Dominik Szoboszlai í hástert eftir sigur Liverpool á Galatasaray í Meistaradeildinni í kvöld.
Szoboszlai átti góðan leik en hann hefur verið besti leikmaður Liverpool á leiktíðinni.
Szoboszlai átti góðan leik en hann hefur verið besti leikmaður Liverpool á leiktíðinni.
Hinn 25 ára gamli Szoboszlai á bara tvö ár eftir af samningi sínum og hefur verið orðaður við Real Madrid en Gerrard vonar að framtíð hans sé hjá Liverpool.
„Ég vona að hann verði hér lengur. Ég held að þarna sé framtíðarfyrirliði Liverpool," sagði Gerrard í útsendingu TNT Sports.
Szoboszlai mætti í viðtal eftir leikinn og talaði þar um hversu mikill heiður væri að bera númer 8 á bakinu hjá Liverpool. Það er númerið sem Gerrard spilaði svo lengi með hjá félaginu.
„Ég var barn að horfa á hann spila, núna er ég númer 8 og það er ótrúleg tilfinning," sagði Ungverjinn geðþekki.
Dominik Szoboszlai.
Athugasemdir
