Meistaradeildin í dag - Nær Liverpool að snúa taflinu við?

16-liða úrslitunum í Meistaradeildinni lýkur í kvöld með fjórum leikjum.

Fyrsti leikur kvöldsins er milli Barcelona og Newcastle sem fram fer í Barcelona. Newcastle spilaði vel í fyrri leiknum en Lamine Yamal jafnaði metin í 1-1 í blálokin með marki úr vítaspyrnu.

Liverpool fær Galatasaray í heimsókn. Tímabilið hefur verið mikil vonbrigði hjá Englandsmeisturunum og liðið er marki undir eftir tap í Tyrklandi í fyrri leiknum.

Bayern er komið með annan fótinn í 8-liða úrslit eftir öruggan sigur á Atalanta í fyrri leiknum. Svipaða sögu má segja af Atletico Madrid sem vann öruggan sigur á Tottenham á heimavelli í frægum leik.