Tveir leikir fóru fram í kvöld í frönsku úrvalsdeildinni en þar voru Monaco og Lyon í eldlínunni.
Monaco mættir Bordeaux á útivelli og vann Moncao þar öruggan 3-0 sigur. Kevin Volland, Gelson Martins og Stevan Jovetic gerðu mörk gestanna en Bordeaux fékk rautt spjald í síðari hálfleiknum.
Á sama tíma heimsótti Lyon lið Nantes sem er í fallsæti. Memphis Depay gerði tvö fyrstu mörk leiksins áður en Nicolas Pallois náði að klóra í bakkann fyrir Nantes.
Gífurlega mikilvægir sigrar hjá Monaco og Lyon og er toppbaráttan svakaleg þar sem fjögur lið eru í bullandi séns.
Lille situr í toppsætinu með 70 stig, PSG er í því öðru með 69, Monaco í þriðja með 68 og Lyon í því fjórða með 67.
Alvöru barátta framundan en fimm umferðir eru eftir í frönsku deildinni.
Athugasemdir