þri 19. janúar 2021 15:06
Magnús Már Einarsson
Messi slapp með tveggja leikja bann
Mynd: Getty Images
Lionel Messi hefur verið dæmdur í tveggja leikja bann eftir rauða spjaldið sem hann fékk í 3-2 tapi Barcelona gegn Athletic Bilbao í úrslitum spænska Ofurbikarsins um helgina.

Messi fékk að líta rauða spjaldið í viðbótartíma fyrir að slá til Asier Villalibre.

Hinn 33 ára gamli Messi fékk þarna sitt fyrsta rauða spjald í 753 leikjum með Barcelona.

Spænskir fjölmiðlar bjuggust jafnvel við að bannið yrði lengra en aganefnd dæmdi Messi í tveggja leikja bann í dag.

Messi verður í banni gegn Cornella í spænska konungsbikarnum á fimmtudaginn og gegn Elche í úrvalsdeildinni um næstu helgi.
Athugasemdir
banner
banner
banner