Meistaradeild Evrópu rúllar áfram í kvöld, en í gær hófust 16-liða úrslitin með tveimur leikjum.

Í kvöld eru aðrir tveir leikir. Lærisveinar Jose Mourinho mæta RB Leipzig, sem er að gera athyglisverða hluti í Þýskalandi undir stjórn hins 32 ára gamla Julian Nagelsmann. Leipzig er í öðru sæti þýsku úrvalsdseildarinnar, stigi á eftir Bayern.

Það má segja að þetta sé nýi skólinn gegn gamla skólanum; Mourinho gegn Nagelsmann. Mourinho hefur allt unnið og er einn sá sigursælasti í bransanum á meðan Nagelsmann er á mikilli uppleið.

Í hinum leiknum í kvöld mætast Atalanta frá Ítalíu og Valencia frá Spáni. Alessandro Florenzi, Gabriel Paulista, Ezequiel Garay og fleiri eru á meiðslalista Valencia.

Leikurinn er heimaleikur Atalanta en verður spilaður á San Siro í Mílanó þar sem heimavöllur Atalanta uppfyllir ekki skilyrði UEFA.

miðvikudagur 19. febrúar
20:00 Atalanta - Valencia (Stöð 2 Sport 2)
20:00 Tottenham - RB Leipzig (Stöð 2 Sport)

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit