Fotbolti.net
19.03.18 - 12:00
Magnús Már Einarsson

Gilles Mbang Ondo í Selfoss (Staðfest)

Gilles Mbang Ondo.

Gilles Mbang Ondo.

Canon

Mynd: Selfoss

Framherjinn Gilles Mbang Ondo hefur samið við Selfyssinga eftir að hafa verið á reynslu hjá félaginu í nokkrar vikur.

Ondo hefur skorað tvö mörk í fjórum leikjum í Lengjubikarnum með Selfyssingum undanfarnar vikur en hann skoraði glæsilegt mark gegn HK um helgina eins og sjá má neðst í fréttinni.

Hinn 32 ára gamli Ondo spilaði með Grindavík við góðan orðstír frá 2008 til 2010 en hann varð markakóngur í Pepsi-deildinni árið 2010.
Eftir það fór Ondo til Stabæk í norsku úrvalsdeildinni en þar á eftir lék hann í Sameinuðu Arabísku Furstadæmunum, Líbanon, Óman og Andorra.

Fyrir síðasta sumar gekk Ondo í raðir Vestra en hann skoraði fimm mörk í fjórtán leikjum í 2. deildinni í fyrra.

Hér að neðan má sjá markið glæsilega sem Ondo skoraði gegn HK um helgina (1:20).

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.