Víkingur hélt kynningarfund í dag þar sem félagið frumsýndi nýja treyju og einnig nýjan aðalstyrktaraðila, Boozt, sem er framan á nýju búningnum.
„Samningurinn er til fjögurra ára og er sá stærsti í sögu félagsins og með samningnum er staða Víkings staðfest sem verðmætur samstarfsaðili alþjóðlegs vörumerkis," segir á heimasíðu Víkings.
„Samningurinn er til fjögurra ára og er sá stærsti í sögu félagsins og með samningnum er staða Víkings staðfest sem verðmætur samstarfsaðili alþjóðlegs vörumerkis," segir á heimasíðu Víkings.
Hermann Haraldsson, forstjóri og meðstofnandi Boozt, segir Víking vera félag með sterkan metnað og glæsilegan grunn.
„Fyrir mig hefur samstarfið einnig persónulega tengingu. Ég fæddist og ólst upp á Íslandi. Hjá Boozt höfum við alltaf átt náið samband við Ísland. Við sjáum mikla möguleika í þeirri miklu þróun sem Víkingur er að ganga í gegnum. Að styðja félag með metnað til að keppa á hæsta stigi og þróa jafnframt ungt hæfileikafólk er eitthvað sem við erum stolt af að vera hluti af," segir Hermann en nánar er rætt við hann í spilaranum hér að ofan.
Hermann er fyrrum framkvæmdastjóri Bröndby og stjórnarmaður í félaginu. Hann ræddi meðal annars um fræga heimsókn Bröndby á Víkingsvöll í fyrra.
Halldór Smári Sigurðsson, fyrrum leikmaður Víkings, hannaði nýju treyjuna.
„Ég er ekki hlutlaus en að mínu mati er þetta best heppnaða Víkingstreyja sem ég hef tekið þátt í að hanna. Ég er ótrúlega ánægður með hana - í raun svo ánægður að mig langar að hringja í Sölva og segja honum að ég sé ekki hættur," segir Halldór Smári.
Hermann Haraldsson, forstjóri og meðstofnandi Boozt, í góðum félagsskap.
