Grikkland: Theódór Elmar fór meiddur af velli

Theódór Elmar Bjarnason var í byrjunarliðinu hjá Lamia sem tók á móti AEL Larissa í efstu deild gríska boltans í dag.

Theódór Elmar varð þó fyrir því óláni að meiðast snemma leiks og var skipt útaf á 21. mínútu.

Við vonum að ekkert alvarlegt hafi hent Elmar sem er 34 ára gamall og á 41 leiki að baki fyrir A-landsliðið.

Viðureigninni lauk með markalausu jafntefli og er Lamia í þægilegri stöðu sjö stigum fyrir ofan fallsvæðið.