Byrjunarlið Króatíu og Albaníu: Gvardiol í miðverði

2. umferð B-riðils á EM fer af stað klukkan 13 þegar Króatía og Albanía mætast á Volksparkstadion í Hamborg.

Bæði lið töpuðu í fyrstu umferð og mega því ekki við því að tapa í dag. Tap svo gott sem gerir út um vonir um að komast áfram í útsláttarkeppnina.

Króatía tapaði 3-0 fyrir Spáni í fyrstu umferð en Albanía tapaði 2-1 fyrir Ítalíu.

Josko Gvardiol er í miðverði hjá króatíska liðinu í dag en hann var notaður í bakverði í fyrstu umferð.