Kieran Tierney leikmaður skoska landsliðsins mun missa af síðasta leik liðsins í riðlakeppninni gegn Ungverjum.
Tierney var á sínum stað í byrjunarliðinu í kvöld þegar liðið gerði markalaust jafntefli gegn Sviss. Hann meiddist eftir klukkutíma leik og var greinilega sárþjáður.
Hann meiddist aftan í læri og þurfti að bera hann af velli. Steve Clarke landsliðsþjálfari Skota staðfesti í viðtali eftir leikinn að Tierney muni að minnsta kosti missa af leiknum gegn Ungverjum.
Skotland mætir Ungverjalandi 23. júní. Skotland er í 3. sæti með eitt stig, Sviss er með fjögur stig í 2. sæti en Ungverjaland án stiga á botninum. Skotar geta komist upp í 2. sætið með sigri ef Sviss tapar stórt gegn Þýskalandi sem er komið áfram.
Athugasemdir