EM: Sögulegt mark Shaqiri í jafntefli gegn Skotum
Mynd: EPA
Mynd: EPA
Scotland 1 - 1 Switzerland
1-0 Scott McTominay ('13 )
1-1 Xherdan Shaqiri ('26 )
Shaqiri í sögubækurnar - Sá fyrsti til að skora á sex stórmótum í röð
Sviss fór langt með að tryggja sér sæti í 16 liða úrslitum á EM þegar liðið gerði jafntefli gegn Skotlandi í kvöld.
Scott McTominay kom Skotum yfir en hann átti skot og boltinn fór af Fabian Schar og í netið.
Eftir tæplega hálftíma leik jafnaði Xherdan Shaqiri metin eftir að Anthony Ralston átti slaka sendingu þvert yfir völlinn sem fór til Shaqiri og skot hans fyrir utan vítateiginn hafnaði í netinu.
Dan Ndoye leikmaður Svisslendinga kom boltanum í netið stuttu síðar en markið var dæmt af vegna rangstöðu.
Eftir þessi úrslit hafa Þjóðverjar tryggt sér sæti í 16 liða úrslitum. Sviss er í öðru sæti með 4 stig og Skotar í 3. sæti með eitt stig en með mun lakari markatölu en Sviss. Ungverjar á botninum án stiga.
Xherdan Shaqiri skoraði eitt af mörkum mótsins þegar Skotland og Sviss gerðu 1-1 jafntefli! pic.twitter.com/aI2XEnzLaW
— RÚV Íþróttir (@ruvithrottir) June 19, 2024
