Johan Djourou og Alexandre Song, fyrrum leikmenn Arsenal, hafa verið reknir frá svissneska félaginu Sion.
Christian Constantin, forseti Sion, sendi leikmönnum skilaboð á WhatsApp á þriðjudag og óskaði eftir að leikmenn myndu taka á sig launalækkun vegna áhrifa sem kórónuveiran hefur.
Djourou og Song voru á meðal níu leikmanna sem tóku illa í þessar áætlanir og allir þessir leikmenn voru í kjölfarið reknir frá félaginu.
Leikmennirnir eru ósáttir og ætla leikmannasamtökin í Sviss að aðstoða þá. Leikmennirnir gætu farið í málaferli við Sion.
Mörg félög í Sviss eiga í fjárhagsvandræðum þessa dagana en keppni þar hefur verið aflýst út tímabilið.
Athugasemdir