Fótbolti.net

fös 20. mars 2026 23:18

Ívan Guðjón Baldursson

Carrick fokillur: Dómarinn gaf þeim jöfnunarmarkið

Mynd: EPA

Michael Carrick þjálfari Manchester United var ekki ánægður með dómgæsluna eftir 2-2 jafntefli á útivelli gegn Bournemouth í ensku úrvalsdeildinni í kvöld. Stuart Attwell var á flautunni með Craig Pawson og Lee Betts í VAR-herberginu.

Bruno Fernandes náði forystunni fyrir Man Utd með marki úr vítaspyrnu og vildu Rauðu djöflarnir fá dæmda aðra vítaspyrnu skömmu síðar, en fengu ekki. Þess í stað skoruðu heimamenn í Bournemouth í skyndisókninni sem þeir fengu í kjölfarið.

20.03.2026 23:03

Sjáðu atvikið: Átti Amad að fá vítaspyrnu?

United náði forystunni á nýjan leik en svo skoruðu heimamenn annað jöfnunarmark eftir að Harry Maguire var dæmdur brotlegur innan vítateigs og fékk að líta rauða spjaldið í þokkabót fyrir að vera aftasti varnarmaður.

„Það var mjög mikið sem gerðist á lokakaflanum. Við vorum sterkara liðið framanaf og áttum að leiða með einu eða tveimur mörkum en nýttum ekki færin okkar. Svo fundum við loksins markið og áttum að fá aðra vítaspyrnu skömmu síðar," sagði Carrick.

„Við fengum ekki víti þegar varnarmaðurinn þeirra setti báðar hendur á leikmanninn okkar innan vítateigs, en svo fengu þeir dæmda vítaspyrnu fyrir nákvæmlega eins atvik seinna í leiknum. Dómarinn getur ekki mögulega haft rétt fyrir sér í bæði skiptin, annað hvort er þetta bæði vítaspyrna eða hvorugt. Þetta er gjörsamlega galin ákvörðun að gefa ekki eina vítaspyrnuna og dæma svo víti fyrir sama brot skömmu síðar. Þetta er fáránlegt. Þeir skoruðu jöfnunarmarkið útaf þessu.

„Ég er ekki að segja að þetta hafi ekki átt að vera vítaspyrna á Harry, en þetta átti þá líka að vera vítaspyrna hinu megin."

Sjáðu vítaspyrnudóminn og rauða spjaldið á Harry Maguire

Man Utd er í góðri stöðu í meistaradeildarbaráttunni í þriðja sæti ensku úrvalsdeildarinnar, með 55 stig eftir 31 umferð.

„Við erum vonsviknir að vinna ekki leikinn miðað við hvernig þetta spilaðist ellefu gegn ellefu. Við enduðum leikinn manni færri og þeir bættu svo miklum tíma við, ég hef ekki séð níu mínútum bætt við í langan tíma. Strákarnir stóðu sig frábærlega þó þeir væru manni færri og gáfu ekki færi á sér. Ég er ánægður með frammistöðuna en mér finnst þessi vítaspyrnuákvörðun vera gjörsamlega út úr kú."

		L	U	J	T	ms:	mf:	mun	Stig
1	Arsenal	31	21	7	3	61	22	+39	70
2	Man City	30	18	7	5	60	28	+32	61
3	Man Utd	31	15	10	6	56	43	+13	55
4	Aston Villa	31	16	6	9	42	37	+5	54
5	Liverpool	31	14	7	10	50	42	+8	49
6	Chelsea	31	13	9	9	53	38	+15	48
7	Brentford	31	13	7	11	46	42	+4	46
8	Everton	31	13	7	11	37	35	+2	46
9	Fulham	31	13	5	13	43	44	-1	44
10	Brighton	31	11	10	10	41	37	+4	43
11	Sunderland	31	11	10	10	32	36	-4	43
12	Newcastle	31	12	6	13	44	45	-1	42
13	Bournemouth	31	9	15	7	46	48	-2	42
14	Crystal Palace	30	10	9	11	33	35	-2	39
15	Leeds	31	7	12	12	37	48	-11	33
16	Nott. Forest	31	8	8	15	31	43	-12	32
17	Tottenham	31	7	9	15	40	50	-10	30
18	West Ham	31	7	8	16	36	57	-21	29
19	Burnley	31	4	8	19	33	61	-28	20
20	Wolves	31	3	8	20	24	54	-30	17