Malen, Maguire, Rashford, Greenwood, Yoro, Eriksen og fleiri góðir í slúðri dagsins
   þri 20. apríl 2021 12:15
Sæbjörn Þór Þórbergsson Steinke
Mætti drukkinn á æfingu í Kólumbíu - „Drullu spenntur að sjá þennan gæja"
Andres Manga Escobar
Andres Manga Escobar
Mynd: Fótbolti.net - Haukur Gunnarsson
Á beddanum
Á beddanum
Mynd: Semana.com
Gegn Kórdrengjum á föstudag
Gegn Kórdrengjum á föstudag
Mynd: Fótbolti.net - Haukur Gunnarsson
Leikni er spáð 12. sæti í spá Fótbolta.net fyrir tímabilið í Pepsi Max-deildinni.

Einn af nýju leikmönnum liðsins er Andrés 'Manga' Escobar sem kemur til félagsins frá Kólumbíu. Escobar er lágvaxinn sóknarmaður sem m.a. hefur verið hjá Dynamo Kiev á ferlinum, hann verður þrítugur í maí. Rætt var um Leikni og Escobar í hlaðvarpsþættinum Steve Dagskrá síðasta þriðjudag. Þá umræðu má hlusta í spilaranum neðst í fréttinni og hefst á 60. mínútu.

Sjá einnig:
Suður-Ameríku bragur í Breiðholti - Spilaði í landsliðinu með James

„Svo fá þeir Andres Ramiro Escobar Diaz," sagði Vilhjálmur Freyr Hallsson, annar af þáttarstjórnandi.

„Ég er spenntastur fyrir þessum," sagði Andri Geir Gunnarsson, hinn þáttarstjórnandinn.

„Hann er með 87000 fylgjendur á Instagram, við erum að tala um 'high-profile signing'. Hann er bara með leiðinlegar myndir reyndar, ekkert skemmtilegt sem kemur frá honum. Það eru bara Lee Sharpe og Nigel Quashie sem hafa verið stærri prófílar. Hann lék núll leiki með Dynamo Kiev og fór á láni frá félaginu. Þú þarft að geta eitthvað til þess að komast að hjá Dynamo. Hann fer á láni til FC Dallas og Vasco de Gama, þetta er 2017."

„Hann mætir svo til Juan Sebastian Veron og félaga í Estudiantes í Argentínu 2018. Eftir það fer hann svo mjög hratt niður. Hann skrifar undir hjá Tolima í Kólumbíu. Hann er eins og glöggir taka eftir alnafni þess sem var skotinn til bana. Hann var rekinn með skömm frá Tolima. Leiknir er að fá alvöru mann en ekkert held ég sem þeir hafa ekki séð áður,"
sagði Villi.

„Vitum við fyrir hvað?" spurði Andri.

„Já, hann mætir drukkinn á æfingu og leggur sig bara á beddanum. Það er til mynd af honum þar sem hann liggur á sjúkrabedda, í gallanum. Samkvæmt formanni liðsins var ástæðan sú að Escobar var leiður yfir því að fá ekki að vera með í leik liðsins, var ekki í hóp í leiknum á undan. Hann ákvað að fá sér nokkra og mæta undir áhrifum á næstu æfingu leiðsins. Hann var ekki í jafnvægi," sagði Villi.

„Þetta var s.s. ekki rebel dæmi, hann var bara lítill í sér?" spurði Andri.

„Þetta er eitthvað sem flest lið myndu hugsa sig um 'bíddu hvaða gæi er þetta' en eins og ég segi, Leiknismenn sjá að það er eitthvað vandamál og það er tekið utan um þennan mann. Ég held að hann gæti ekki fengið betra lið. Ef hann mætir drukkinn á æfingu þarna þá er það bara 'fair play'. Binni Hlö hleður í eitthvað gott handshake á hann," grínaðist Villi.

„Ef við erum raunsæir þá er hann ekki að koma hingað í einhvern seðil. Með fullri virðingu fyrir öllum hinum í Leiknisliðinu er ég drullu spenntur að sjá þennan gæja," sagði Andri.

„Hann þarf að sanna sig og sagan hefur sýnt það að menn fara héðan í ágætis lið í Skandinavíu. Þetta er einhver ævintýramennska. Við eigum að fagna þessu," sagði Villi að lokum.


Athugasemdir
banner
banner
banner