England: Jóhann Berg innsiglaði sigurinn með sinni fyrstu snertingu - Brentford fór illa með Luton

Burnley var með 2-0 forystu í hálfleik þar sem liðið skoraði með tveggja mínútna millibili en varnarleikur Sheffield United var í molum.

Sheffield kom sterkt til leiks í síðari hálfleikinn og Gustavo Hamer tókst að minnka muninn. Adam var þó ekki lengi í paradís því Lyle Foster skoraði þriðja mark Burnley.

Þetta var fimmta mark hans á tímabilinu en hann hefur átt í erfiðleikum með meiðsli og tók sér einnig pásu vegna andlegrar veikinda á tímabilinu.

Jóhann Berg var á bekknum en kom inn á þegar tuttugu mínútur voru eftir af venjulegum leiktíma. Það tók hann aðeins nokkrar sekúndur að setja boltann í netið og gulltryggja Burnley sigurinn.

Luton er áfram í fallsæti eftir slæmt tap gegn Brentford.

Brentford var án Ivan Toney en það kom ekki að sök þar sem Bryan Mbeumo lagði upp tvö mörk og Yoane Wissa skoraði tvö.

Luton 1 - 5 Brentford
0-1 Yoane Wissa ('24 )
0-2 Yoane Wissa ('45 )
0-3 Ethan Pinnock ('62 )
0-4 Keane Lewis-Potter ('64 )
0-5 Kevin Schade ('86 )
1-5 Luke Berry ('90 )

Sheffield Utd 1 - 4 Burnley
0-1 Jacob Bruun Larsen ('38 )
0-2 Lorenz Assignon ('40 )
1-2 Gustavo Hamer ('52 )
1-3 Lyle Foster ('58 )
1-4 Johann Gudmundsson ('71 )