Man Utd reynir við Branthwaite - Slot hefur áhuga á Watkins - Sesko efstur á blaði Arsenal
   lau 20. apríl 2024 19:13
Brynjar Ingi Erluson
Sara Björk á miðjunni í sigri Juventus - Leuven upp að hlið Anderlecht
Sara Björk spilaði vel í dag
Sara Björk spilaði vel í dag
Mynd: Getty Images
Íslensku atvinnukonurnar okkar gerðu ágætis hluti í Evrópuboltanum í dag.

Diljá Ýr Zomers byrjaði í liði Leuven sem vann 3-0 sigur á Standard Liege í meistarariðli belgísku úrvalsdeildarinnar.

Íslenska landsliðskonan komst ekki á blað í dag en er samt sem áður áfram markahæst með 19 mörk.

Leuven komst upp að hlið Anderlecht á toppnum en bæði lið eru með 34 stig.

Þórdís Elva Ágústsdóttir var í byrjunarliði Växjö sem vann Örebro, 1-0, í Íslendingaslag. Áslaug Dóra Sigurbjörnsdóttir og Katla María Þórðardóttir byrjuðu hjá Örebro en Bergþóra Sól Ásmundsdóttir kom inn af bekknum. Bryndís Arna Níelsdóttir var ekki með Växjö í dag.

Växjö er með 3 stig en Örebro er án stiga eftir tvo leiki.

Sara Björk Gunnarsdóttir lék allan leikinn á miðsvæði Juventus sem vann Sassuolo, 2-1, í Seríu A á Ítalíu. Juventus er í öðru sæti meistarariðilsins með 50 stig, ellefu stigum frá toppliði Roma þegar fjórir leikir eru eftir.
Athugasemdir
banner
banner