Mohamed Diame fer til West Ham (Staðfest)

Diame, sem er 25 ára gamall, gengur í raðir Lundúnarliðsins á frjálsri sölu frá Wigan eftir að samningur hans rann út.



Þessi senegalski miðjumaður var næstum genginn í raðir Liverpool áður en Kenny Dalglish var rekinn þaðan.



Það voru hinsvegar nýliðar Hamranna sem sigruðu kapphlaupið um Diame og verður hann þriðju kaup þeirra í sumar, á eftir þeim Stephen Henderson og Jussi Jaaskelainen.



Diame lék í þrjú ár með Wigan en þar áður lék hann með Rayo á Spáni. Að auki á hann að baki 12 landsleiki fyrir þjóð sína.