Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fös 20. júlí 2018 10:30
Ívan Guðjón Baldursson
Semedo kominn úr fangelsi og lánaður til Huesca (Staðfest)
Semedo hefur gert 3 mörk í 10 landsleikjum fyrir Portúgal.
Semedo hefur gert 3 mörk í 10 landsleikjum fyrir Portúgal.
Mynd: Getty Images
Huesca eru nýliðar í spænsku efstu deildinni og voru að krækja í varnarmanninn Ruben Semedo á lánssamning frá Villarreal.

Semedo losnaði úr fangelsi fyrr í vikunni eftir fimm mánaða dvöl en hann fór inn fyrir rán, líkamsárás, mannrán og tilraun til manndráps.

Semedo er aðeins 24 ára gamall og má ekki yfirgefa Spán vegna málsins. Hann þarf að láta vita af sér vikulega og er með nálgunarbann, hann þarf alltaf að vera minnst 300 metra frá fórnarlambi mannránsins.

Semedo og tveir aðrir menn rændu manninum, hótuðu honum, lömdu hann og fóru svo heim til hans og rændu öllu þar.

Þetta er ekki í fyrsta sinn sem Semedo kemst í kast við lögin. Í nóvember sást hann með byssu á næturklúbbi í Valencia og í desember braut hann glerflösku á haus á manni.

Villarreal keypti Semedo fyrir 14 milljónir evra síðasta sumar en hann hefur aðeins náð að spila fjóra leiki vegna meiðsla og fangelsisvistarinnar.
Athugasemdir
banner
banner