Fotbolti.net
20.07.18 - 14:15
Arnar Daði Arnarsson

Tveir Íslendingar í Huginn (Staðfest)

Hinrik Atli í leik með Huginn sumarið 2015.

Hinrik Atli í leik með Huginn sumarið 2015.

Canon

Mynd: Fótbolti.net - Sævar Geir Sigurjónsson

Huginn í 2. deildinni hefur fengið til sín tvo Íslendinga fyrir seinni helminginn í deildinni en liðið er í erfiðri stöðu á botni deildarinnar með fjögur stig þegar deildin er hálfnuð.

Leikmennirnir sem þeir hafa fengið eru þeir Hinrik Atli Smárason sem kemur frá Noregi og Aron Sigurvinsson sem kemur frá Fjarðabyggð.
Hinrik Atli þekkir vel til á Seyðisfirði en hann lék með liðinu sumarið 2015 þegar þeir unnu 2. deildina. Þar lék hann 17 leiki og skoraði þrjú mörk.

Sumarið 2016 lék hann síðan 12 leiki með HK í Inkasso-deildinni.

Aron Sigurvinsson er tvítugur leikmaður sem kemur frá Fjarðabyggð hann hefur leikið sjö leiki með Fjarðabyggð í 2. deildinni í sumar en skiptir nú yfir til Hugins. Í fyrra lék hann með Elliða í 4. deildinni.

Báðir eru þeir komnir með leikheimild og geta því leikið gegn Þrótti V. á heimavelli á morgun.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.