Bayer Leverkusen er búið að festa kaup á brasilíska ungstirninu Paulinho sem kemur frá Vasco da Gama.
Leverkusen staðfesti kaupin í apríl en Paulinho mátti ekki ganga opinberlega til liðs við félagið fyrr en eftir 18 ára afmælisdaginn, sem var 15. júlí.
Paulinho er fæddur árið 2000 og var seldur fyrir 20 milljónir evra, sem er metfé fyrir brasilíska félagið.
Paulinho er fjölhæfur sóknarmaður sem hefur gert 7 mörk í 35 leikjum fyrir aðallið Vasco da Gama. Þá hefur hann gert 7 mörk í 21 landsleik með U17 liði Brasilíu.
Athugasemdir