Besta ungstirni HM líkt við Gerard Pique

Spænska landsliðið stóð uppi sem sigurvegari á heimsmeistaramótinu. Miðvörðurinn Pau Cubarsi var ein skærasta stjarna mótsins og stór ástæða þess að Spánn fékk aðeins eitt mark á sig allt mótið.

Cubarsi er 19 ára, hélt Kylian Mbappe í skefjum í undanúrslitum og átti svo aftur stórleik í 1-0 sigrinum gegn Argentínu í úrslitaleiknum.

Cubarsi spilar fyrir Barcelona og er gríðarlega góður sendingamaður, enda úr La Masia akademíunni frægu. Hann kom upp úr yngri flokkastarfi Börsunga með jafnaldra sínum Lamine Yamal.

„Táningurinn kemst næst því sem Spánverjar hafa í að finna arftaka Gerard Pique, miðvarðarins sem vann bæði heims- og Evrópumeistaratitilinn með Spáni. Hann er yfirvegaður, rólegur og skapandi. Og þótt þroski hans á þessu móti kunni að hafa komið sumum á óvart, hefur hann þegar sýnt þessi eiginleika hjá Barcelona, ??einu kröfuharðasta félagsliði heimsfótboltans," skrifar Laia Cervelló Herrero hjá Athletic.

Cubarsi kemur af trésmiðafjölskyldu úr litlu þorpi í Katalóníu. Þegar hann var 17 ára smíðaði hann sinn eigin tréstól sem lokaverkefni í skóla og hélt þannig fjölskylduhefðinni.