Byrjunarlið Keflavíkur og ÍA: Orðaður burt en byrjar í kvöld

Búið er að opinbera byrjunarliðin fyrir leik Keflavíkur og ÍA sem er í Bestu deildinni í kvöld. Það munar einu stigi á liðunum fyrir leik kvöldsins.

Keflvíkingar gera tvær breytingar á liði sínu. Davíð Helgi Aronsson er farinn til Lyngby í Danmörku eftir góða lánsdvöl í Keflavík og kemur Nacho Heras inn í liðið í hans stað í kvöld. Þá kemur Eiður Orri Ragnarsson inn fyrir Marin Mudrazija.

Hjá Skagamönnum kemur Viktor Jónsson inn í liðið eftir að hafa byrjað síðustu leiki á bekknum. Sögusagnir hafa verið um að hann sé mögulega á förum frá ÍA en hann byrjar í kvöld. Markús Páll Ellertsson fer á bekkinn hjá ÍA og Haukur Andri Haraldsson er ekki með í kvöld en Guðmundur Þórarinsson kemur einnig aftur inn í liðið hjá gestunum.