Bakvörðurinn Lucas Digne gekk nýlega í raðir Aston Villa frá Everton. Það kastaðist í kekki milli hans og Rafael Benítez sem var rekinn á dögunum frá Everton. Fróðlegt verður að sjá hvaða móttökur Digne mun fá hjá stuðningsmönnum Everton.

„Hann er gæðaleikmaður og ég held að stuðningsmenn Everton kunni að meta það sem hann gerði fyrir félagið. Hann lagði sig alltaf allan fram," segir Gerrard en leikur Everton og Aston Villa verður klukkan 12:30 á morgun.

Annars er það að frétta úr herbúðum Aston Villa að markvörðurinn Emiliano Martínez hefur skrifað undir nýjan samning til 2027. Argentínski landsliðsmaðurinn kom frá Arsenal 2020 og hefur spilað virkilega vel á Villa Park.

Á síðasta tímabili jafnaði hann úrvalsdeildarmet með því að halda marki sínu hreinu í fimmtán leikjum.