Æfingaleikur: Tvær tvennur í sigri Aftureldingar

Afturelding vann öruggan sigur á Njarðvík í æfingaleik á Malbikstöðinni að Varmá í kvöld.

Mosfellingar leiddu 2-0 í hálfleik og voru komnir í 4-0 forystu áður en Tómas Bjarki Jónsson minnkaði muninn með marki úr vítaspyrnu.

Bjartur Bjarmi Barkarson og Aron Jóhannsson skoruðu sitthvora tvennuna fyrir Aftureldingu sem reynir fyrir sér í Bestu deildinni í sumar.

Afturelding heimsækir Val á Hlíðarenda næsta föstudag og verður það síðasti æfingaleikurinn í undirbúningi Mosfellinga fyrir deildartímabilið sem hefst 5. apríl.