Svíþjóð: Viðar skoraði í öðrum leiknum í röð

Hammarby lagði í dag AFC Eskilstuna að velli í fjórðu umferð sænsku Allsvenskan, 3-1.

Viðar Örn Kjartansson spilaði allan leikinn hjá Hammarby og skoraði annað mark liðsins. Jeppe Andersen átti þá langskot sem Viðar stýrði í netið.

31' MÅL! Vidar noteras för sitt andra mål på två #Bajen-matcher – 2-0 mot AFC! Efter att flera anfallsvågor brutits i sista skedet finner Jeppe Andersen för gott att skjuta från distans, och bollen styrs via Kjartansson, vilket helt ställer Söderberg. Medvetet? Såklart...

— Hammarby Fotboll (@Hammarbyfotboll) April 21, 2019

Viðar skoraði einnig í síðustu umferð í tapi gegn Helsingborg. Hammarby er í sjötta sæti deildarinnar með fimm stig.

Í sænsku Superettunni tapaði Mjällby gegn Dalkurd í fjórðu umferð deildarinnar í dag. Gísli Eyjólfsson var í byrjunarliði Mjällby og spilaði fyrstu 59 mínúturnar. Honum var skipt af velli fyrir Óttar Magnús Karlsson.

Milos Milojevic, fyrrum þjálfari Víkings og Breiðabliks þjálfar Mjällby sem hefur þrjú stig og er í tólfta sæti deildarinnar.

Þá spilaði Alfons Sampsted allan leikinn í 1-3 sigri Sylvia á Team TG FF í Norðurhluta þriðju efstu deildar. Sylvia er varalið IFK Norrköping. Þetta voru fyrstu stig Sylvia í deildinni en þetta var þriðja umferð deildarinnar.

Hammarby 3-1 AFC Eskilstuna

Dalkurd 2-1 Mjällby

Team TG FF 1-3 Sylvia