Lið ÍR styrkti sig í gær með tveimur leikmönnum sem koma frá erkiféndum þeirra úr Breiðholtinu, Leikni.
Bæði lið spila í Inkasso-deildinni þar sem ÍR er í næstneðsta sæti með 10 stig en Leiknir fjórum stigum ofar í 7. sætinu.
Leikmennirnir sem um ræðir eru Ágúst Freyr Hallsson og Skúli E. Kristjánsson Sigurz sem var á láni frá Breiðabliki.
Ágúst sem er uppalinn í Víkingi en hefur einnig leikið með Ægi, HK og Elliða spilaði aðeins fjóra leiki í deild og bikar með Leikni síðan hann kom í vor.
Skúli kom til Leiknis í fyrra og spilaði þá 20 leiki í deild og bikar en hafði aðeins fengið eitt tækifæri í sumar í bikarleik gegn KH. Hann sneri aftur í Breiðablik í júní á meðan hann leitaði sér að liði og fer nú til ÍR.
Athugasemdir