sun 21. júlí 2019 11:30
Guðmundur Aðalsteinn Ásgeirsson
Klopp: Fólk hélt að ég væri fullur en Alisson kláraði allt
Mynd: Getty Images
Jurgen Klopp, stjóri Liverpool, segist ekki hafa verið fullur þegar Liverpool fagnaði sigri sínum í Meistaradeildinni.

Liverpool vann 2-0 sigur á Tottenham í úrslitaleik Meistaradeildarinnar og fagnaði titlinum heima í Liverpool með því að keyra um í opinni rútu.

Liverpool-liðið fagnaði vel, en Klopp segist aðeins hafa fengið sér tvo bjóra þar sem einn Brasilíumaðurinn í liðinu hafi klárað allar byrgðirnar.

„Fólk hélt að ég væri fullur í rútunni. Ég var það ekki, ég fékk mér aðeins tvo bjóra. Ég leit bara út fyrir að vera fullur. Allir bjórarnir sem ég átti að fá, Ali (Alisson) drakk þá," sagði Klopp hress við fjölmiðlamenn.

Liverpool er á fullu í undirbúningstímabili sínu fyrir næstu leiktíð. Liðið tapaði gegn Dortmund í síðasta æfingaleik sínum. Næsti æfingaleikur er gegn Sevilla í kvöld.


Athugasemdir
banner
banner
banner
banner