Magni heldur sæti sínu í næstefstu deild
Sveinn Þór hafði trú frá upphafi.
„Gríðarlega stoltur af strákunum. Ég vil bara meina það að við unnum klárlega fyrir þessari áframhaldandi veru í Inkasso deildinni. Við erum búnir að leggja mikið á okkur í öllu sem við höfum verið að gera. Leikmenn eiga hrós skilið, stjórnin á hrós skilið, bara allir - aðdáendur og annað. Þannig að það er bara Inkasso að ári,'' sagði kátur Sveinn Þór Steingrímsson, þjálfari Magna eftir 0-0 jafntefli gegn Þór í lokaleik Inkasso deildar karla.
Með jafnteflinu tryggði Magni sér áframhaldandi veru í Inkasso deildinni og lauk keppni í 9. sæti.
Með jafnteflinu tryggði Magni sér áframhaldandi veru í Inkasso deildinni og lauk keppni í 9. sæti.
Lestu um leikinn: Þór 0 - 0 Magni
„Við undirbjuggum okkur mjög vel og vissum að við værum að fara inn í gríðarlega erfiðan leik. Spennustigið var bara mjög gott og mér leið bara mjög vel alla vikuna,'' sagði Sveinn.
Sveinn Þór tók við liðinu á erfiðum tímapunkti, eftir 4-1 tap gegn Fram og allt útlit fyrir að 2. deild biði Magnamanna að ári. Hann nældi í 13 stig af 21 mögulegu og það dugði til. Fannst honum leikmenn taka strax við sínum hugmyndum og aðferðum?
„Já. Ég hafði bullandi trú á verkefninu og ég fann bara strax þegar ég fór að tala við leikmenn að þeir höfðu líka bullandi trú. Og eins og ég segi, hér erum við í dag, áfram í Inkasso!''
Viðtalið má sjá í heild sinni í spilaranum hér að ofan.
Athugasemdir
