Newcastle United mætir Sunderland í nágrannaslag í hádegisleiknum og þurfa lærlingar Eddie Howe á sigri að halda til að blanda sér í baráttuna um evrópusæti.

Tottenham spilar svo við Nottingham Forest í eftirvæntum fallbaráttuslag þar sem aðeins eitt stig skilur að á milli liðanna.

Aston Villa er búið að tapa þremur leikjum í röð og fær kjörið tækifæri til að laga stöðu sína í meistaradeildarbaráttunni þegar fallbaráttulið West Ham kíkir í heimsókn.

Það er mögnuð spenna í úrvalsdeildinni en stórleikur dagsins er úrslitaleikur deildabikarsins. Hvorki Arsenal né Man City hafa komist í úrslitaleikinn síðan 2021, þegar City vann keppnina fjórða árið í röð.

Þetta er í annað sinn sem liðin mætast í úrslitaleiknum eftir að City hafði betur 2018. City hefur unnið keppnina átta sinnum frá upphafi en Arsenal aðeins tvisvar.

Til gamans má geta að þetta verður í fyrsta sinn í sögu deildabikarsins sem toppliðin tvö úr ensku úrvalsdeildinni mætast í úrslitaleiknum.

Þetta er í annað sinn sem Arsenal og City mætast á tímabilinu eftir 1-1 jafntefli á Emirates leikvanginum í september.

Premier League
12:00 Newcastle - Sunderland
14:15 Tottenham - Nott. Forest
14:15 Aston Villa - West Ham

League Cup
16:30 Arsenal - Man City