Nik er sáttur við hugarfar síns liðs.
„Það er alltaf erfitt að koma hingað og við sýndum frábært hugarfar að koma til baka. Stundum ganga hlutirnir ekki og þá þarf að vinna hart að sér. Ég er ánægður með ungu stelpurnar að koma inn á og gera eitthvað. Á öðrum degi hefðum við ekki sótt nein stig í þessum leik,“ segir Nik Chamberlain, þjálfari Breiðabliks, eftir 2-2 jafntefli gegn Þrótti í Bestu deild kvenna.
Lestu um leikinn: Þróttur R. 2 - 2 Breiðablik
Stelpurnar hans Nik voru í vandræðum með Þróttarana mest allan leikinn en fundu á endanum leið til þess að sækja jöfnunarmarkið og fara því af AVIS-vellinum með eitt stig.
„Ég er sáttur með hugarfarið. Eftir að við lendum 2-0 undir gáfumst við ekki upp. Við erum frábær hópur og unnum deildina í fyrra, enginn tekur áreynsluleg þrjú stig gegn okkur. Heppnin var ekki með okkur í dag og mér fannst nokkrar ákvarðanir dómarans vafasamar.“
Nik talar um að nokkrar ákvarðanir dómarans hafi verið vafasamar. Hann er ekki sáttur með vítið sem Samantha Smith fékk dæmt á sig í upphafi leiks en dómari leiksins mat það sem svo að Samantha hefði fengið boltann í höndina.
„Maður heyrir á hljóðinu að þetta fer í ennið á henni. Ég held hann bregðist bara við köllunum á vellinum. Þetta er eins og það er.“
Barbara Sól Gísladóttir fór meidd af velli eftir að hafa fengið fast skot í hendina. Nik hefur ekki góðar fregnir að færa af henni.
„Þetta er að öllum líkindum úlnliðsbrot. Þetta var rosalegt skot og því miður er þetta líklega úlnliðsbrot“
Athugasemdir
