Best í 11. umferð: Skoraði tvö og var örugg varnarlega

Breiðablik vann 7-2 sigur á ÍBV á þriðjudag. Miðvörðurinn Heiðdís Lillýardóttir skoraði tvö mörk í fyrri hálfleik og var valin best í leiknum hér á Fótbolti.net. Hún var besti leikmaður 11. umferðar í Pepsi Max-deild kvenna.

<i>„Verð að velja hana mann leiksins. Átti mjög góðan leik, skoraði tvö mörk og var alltaf hættuleg í hornspyrnum Blika. Örugg varnarlega líka,"</I> skrifaði Helga Katrín Jónsdóttir í skýrsluna en Helga textalýsti leiknum.