Orri Hlöðversson, formaður ÍTF, handsalar samninginn við Chris Gerstle, framkvstj hjá European Leagues.
Í dag var undirritaður samningur til þriggja ára við tvær alþjóðlegar streymisveitur sem tryggir að íslenskur fótbolti verður í fyrsta sinn aðgengilegur um heim allan.
Streymisveiturnar munu sýna þrjá leiki úr efstu deild karla í hverri umferð og að minnsta kosti einn af þeim verður með enskri lýsingu.
Auk íslenska boltans eru Danmörk, Kasakstan, Lettland, Norður-Írland, Noregur, Pólland, Slóvakía og Sviss í pakkanum.
Streymisveiturnar munu sýna þrjá leiki úr efstu deild karla í hverri umferð og að minnsta kosti einn af þeim verður með enskri lýsingu.
Auk íslenska boltans eru Danmörk, Kasakstan, Lettland, Norður-Írland, Noregur, Pólland, Slóvakía og Sviss í pakkanum.
Tilkynning ÍTF - Íslenskur fótbolti nær til hundruð milljóna um allan heim
Íslenskur Toppfótbolti, ÍTF, samtök efstudeildafélaga á Íslandi, hefur gengið til liðs við Evrópsku deildasamtökin (e. European Leagues, www.europeanleagues.com ), með 40 deildir, 1000 félög í 30 löndum innanborðs.
Í dag undirrituðu fulltrúar ÍTF, EL og 8 annarra deilda þriggja ára samning við tvær alþjóðlegar streymisveitur, The Eleven Group (stærstu fótbolta-streymisveitu heims með yfir 660 milljónir notenda á www.ElevenSports.com , 40.000 leiki sýnda 2021 í yfir 200 löndum) og OneFootball (með um 100 millónir notenda hvern mánuð að ýmsu hliðarefni, www.onefootbball.com). Þessi tímamótasamningur snýst um dreifingu leikja í 9 af efstu deildum karla í Evrópu til áskrifenda um allan heim. Hann tryggir að íslenskur fótbolti verður í fyrsta sinn aðgengilegur um heim allan. Í samningnum, sem tekur gildi varðandi Ísland í upphafi næstu leiktíðar, felst að 3 leikir úr efstu deild karla verða í boði í hverri umferð og amk einum þeirra verður lýst með enskum þul.
Dreifingu til erlendu aðilanna, sérstaka framleiðslu og hýsingu myndefnis annast ÍTF og samstarfsfyrirtæki. Orri Hlöðversson, formaður ÍTF, undirritaði samninginn í dag á aðalfundi EL í Mílano, en ÍTF var einmitt samþykkt sem fertugasti meðlimur samtakanna á fundinum.
„Hér erum við að stíga stórt skref fyrir íslenska knattspyrnu, reyndar það fyrsta af mörgum sem framundan eru varðandi sjónvarps- og markaðsréttindi. Það er ákaflega mikilvægt að geta veitt aukinn aðgang að íslenskum fótbolta alls staðar í heiminum. Samningurinn gerir það að verkum að skyndilega er íslenska karladeildin komin á bekk með efstu deildum til dæmis í Danmörku, Noregi, Sviss og Póllandi. Það eru gríðarlega spennandi tímar framundan í íslenskum fótbolta í þessum efnum," sagði Orri eftir undirritunina.
Athugasemdir