Pedro áfram í agabanni

Pedro lenti saman við liðsfélaga sinn, Jan Paul van Hecke, á æfingu og því ákvað stjórinn Fabian Hurzeler að setja Pedro í agabann. Þessi 23 ára leikmaður hefur skorað tíu mörk í úrvalsdeildinni á þessu tímabili en hann fékk rautt í 4-2 tapi gegn Brentford þann 19. apríl.

„Það kom upp atvik með Joao á æfingasvæðinu, eitthvað sem er ekki óalgengt í fótboltafélögum. Við höfum leyst málið innanhúss og því er lokið. Joao er magnaður leikmaður en það eru vissar reglur sem allir þurfa að fara eftir, það eru ekki gerðar neinar undantekningar," segir Hurzeler.

„Joao er enn ungur leikmaður sem mun vaxa og læra af þessu og koma sterkari til baka á næsta tímabili."

Brighton er í áttunda sæti ensku úrvalsdeildarinnar en er í möguleika á Evrópusæti fyrir lokaumferðina.