Byrjunarlið Víkings og Vals: Hrannar Snær byrjar í fyrsta sinn

Sölvi Geir Ottesen gerir þrjár breytingar á sínu liði frá svekkjandi tapi gegn Borac Banja Luka í vikunni. Aron Elís Þrándarson, Ármann Ingi Finnbogason og Oliver Ekroth koma allir út úr liðinu og sá síðastnefndi er ekki í leikmannahóp Víkings í dag. 

Inn fyrir þá koma Sveinn Gísli Þorkelsson, Valdimar Þór Ingimundarson og Hrannar Snær Magnússon, en þetta er fyrsti byrjunarliðsleikur Hrannars fyrir Víking eftir að hann var fenginn til félagsins fyrr í þessum mánuði. 

Chris Brazell gerir fjórar breytingar á sínu liði frá 4-4 jafntefli gegn KA í síðustu umferð en út koma þeir Samúel Kári Friðjónsson, Patrick Pedersen, Birkir Heimisson og Myles Veldman. Sá síðastnefndi er ekki í hóp. 

Inn koma þá þeir Hörður Ingi Gunnarsson, Kristófer Dagur Arnarsson, Jakob Franz Pálsson og Shkelzen Veseli.