Þýskaland í dag - Leipzig og Augsburg ekki unnið í lengri tíma

Þrír leikir eru á dagskrá í þýsku Bundesliga í dag. Það eru lokaleikirnir í 27. umferð deildarinnar.

Efsta liðið af þeim sex sem eiga eftir að leika er RB Leipzig, sem hefur gert þrjú jafntefli í röð. Leipzig heimsækir Mainz heim og þarf á sigri að halda til að halda í við liðin fyrir ofan sig í baráttunni um Meistaradeildarsæti.

Schalke er næstefst af liðunum sex og þarf á sigri að halda gegn Augsburg til að komast upp í Evrópudeildarsæti. Augsburg verður án Alfreðs Finnbogasonar og hefur liðið ekki unnið í fjórum leikjum í röð.

Lokaleikurinn er svo viðureign Köln og Fortuna Dusseldorf. Ekkert liðanna sex sigraði sinn leik í síðustu umferð.